Google Map 的港鐵站出口「被消失」

今時今日資訊科技進步真係好方便，舉例來說：

1. 要同其他人聯絡有 Facebook、WhatsApp，唔係好似以前咁打電話同發短訊。
2. 要查地圖有 Google Map，唔洗好似以前咁打開一本實體地圖。

雖然如此，我們的對科技的使用習慣也變得受它們影響。例如 Facebook 早幾年話要轉 timeline，作為用家就無可選擇 - 縱使你多喜歡用舊的介面，它終有一日會改變成新的 timeline 介面；上年的這個時候，Facebook 也將 Android 版的 Facebook app 跟 Facebook Messenger 分成兩個 app - 本來的 Facebook app 已經夠食 RAM，還要裝多個食 RAM app 真係「傻的嗎?」 - 我有些朋友就這樣直接棄用而沒有裝 Facebook Messenger 乾脆用 WhatsApp 算了 (所以而家經 Facebook 發信息基本上係極難聯絡到人)。

從以上的例子可以見到：當一種科技要作出改變，作為用家其實係無得 say，你可以做o既只有兩個就係 (1) 繼續用 (2) 唔用 (3) 尋找其他可行方案 - 例如 Messenger 可以唔裝 app 用電話 browser 上 Facebook 都得，只不過這會變得比較麻煩而已。

說回正題，話說我聽日要去北角。我打算搭港鐵 (即係以前o既地鐵呀！) 過去，但我又唔知邊個港鐵站o既出口最近我要去o既地方喎，咁好自然今時今日o既正常人都會打開 Google Map 去查啦：

o係呢個 scale 好似都係睇唔到北角站o的出口o係邊喎，所以我就放大少少：

呢個時候你就會發現：無論你放到幾大幾細，Google Map 上面都係見唔到任何港鐵站的出入口 (舉例來說，「富臨皇宮」的位置應該是北角站 B3 出口) - 換言之，Google Map 改o左呢個版本之後移除了所有的港鐵站出口標記。

上網找了一下，原來這個改動似乎在今個月頭 (Aug 2015) 起發生的。不過 Google 現時可讓用戶設定自訂地圖並分享出去，以暫時的 Workaround 來說可以使用以下的「港鐵出口位置圖」：

https://www.google.com/maps/d/viewer?mid=zjiWKvnbNHXE.kKwv8Rxlbrcw&hl=zh_HK

當然所有港鐵站出口在地圖上「被消失」確是十分不方便，這個還希望 Google 有待改進吧！

1 Nov 2015 更新：出口加回來了。