成個大眾媒體的法則其實十分簡單：做o既o野唔需要新穎的 idea、唔洗咩特別拍攝或寫作技巧、無必要有甚麼真知灼見、甚至無需要符合邏輯，總之人 up 乜或者想要o的乜，你就跟住廢 up 就乜都得；總之將所有o野都變晒做地底泥、毫無價值，打著「世風日下」的註腳，從而達到「洗腦」的目的。呢種模式同某食評網站的評分有異曲同工之妙 - 食評的分數看來已經不太可信了，我主要還是看食肆的地址電話而已。
點都好，一個豐富的內容最首先要做的就是吸引讀者的注意。要做的事也是很簡單：一個夠「爆」的標題就已經足夠 - 看看「兒子生性病母倍感安慰」和「為食女立志做醫生」這些例子便知道是甚麼一回事。早兩日上網看到以下兩段新聞，標題均寫著「IT 人才荒」的：
《IT人才荒：課程已過時 削港競爭力》
http://www.on.cc/hk/bkn/cnt/news/20150515/bkn-20150515213117821-0515_00822_001.html
《探射燈：IT人才荒 削港競爭力》
http://orientaldaily.on.cc/cnt/news/20150516/00176_135.html
看畢兩篇抽水文，我留意到「削港競爭力」的原因並非它們所說的「IT人才荒」。文中提到以下「幾宗罪」，似乎才是兩篇報導的主旨：
有電腦系大學畢業生坦言，大學課程過時脫節，要靠「自修」惡補。
所謂「過時脫節」，其實是如何「過時」、如何「脫節」？兩篇文根本提都無提過。我就簡單少少，看看我畢業的科大 Bachelor of Engineering in Computer Science 4yr Program 的課程結構 (我畢業的時候還是 3yr Program，不過現在好像也是差不多)：
看圖識字，下面三層都屬於打好基本功 (或者是增進課外知識) 的起步階段。在 IT 行業之中，以 Database、Multimedia 及 Networking 三大范疇為主 (Security 是算在 Networking 裡的)。課程其實已經涵蓋以上三個范疇，外加還有 Theory 這以研究為主的項目 (想當年我讀一科叫 Theory of Computation 不知怎的有很多研究生在上課)，我就完全唔覺得咁樣分有幾過時囉。
呢個世界一定會有人雞蛋桃骨頭，例如有人會問「我讀電腦喎，數學讀o黎做乜叉？」。其實咁樣問同問緊「我中學做乜要請微積分？」差唔多，讀數學的主要目的並唔係為o左去識計一條題，而係籍讀數學訓續出一種「軟知識」(soft skill)。Soft skill 比「硬知識」 (hard skill) 更有價值，因為前者往往能比後者解決更多的問題。
或者我舉個例，從資料庫 (database) 讀取幾個資料表你識 SQL command 就做得到，咁 SQL command 大部都係 "select xx from xx where xx" 呢種就叫 hard skill。不過如何調整 SQL 的 where clause、select table o既先後次序令到條 SQL Query 行得快o的，咁樣就要 soft skill o既幫助，而唔係剩係靠你識 SQL 就做到。
講到呢度，我就完全唔覺得呢種課程模式有咩咁過時脫節。說要靠自修？不好意思，請問有咩科畢o左業出黎就係萬能 key 咩都唔駛繼續學？這樣說只是逃避唔想再學新o野，尤其係資訊科技日新月異 (而家連 Google Chrome 都話要 block o左 Java plugin)，你唔進修認識新知識真係唔駛諗住o係呢行生存。
有僱主更坦言，本港青年「又Hea又懶」，寧願聘請「夠搏」的內地人才。
有一點必須說的，文中的「又Hea又懶」、「夠搏」o既定義o係僱主同僱員眼中根本就唔同。其中一種常見的判斷指標叫做「實際收工時間」- 例如 office hour 係朝九晚六，經常六點就走的人就會被僱主定為「又Hea又懶」，彷彿 office hour 實際係九點收工一樣；而「夠搏」的同事們則每晚都已經將收工時間當成是九點，收工返到屋企沖個涼訓覺第二日繼續做o野，咩娛樂都無唔會覺得好 Dry o既咩？
有時有新 project、遇上旺季多生意、要時間學習新知識等種種原因，我同意是要多花點時間去工作屬平常，overtime (OT) 或許是在所難免。不過 OT 不應該是一種常態，而且成日 OT 多數唔代表係「夠搏」而係o的o野做唔掂。至於點解文中內地人才咁「夠搏」，或許只是因為他們沒工作的話，根據入境規定便要返回內地罷了 (而且可以順便「讚好」內地人吧)。
反之大多數準時走的人其實都會反而比成日 OT 的人做得好得多，因為他們多數有將工作和生活作出平衡，這樣工作的時候才會更有效率。所謂效率就是 [實際完成工作量 / 時間]，很多時候效率比實際工時更能判斷一個人的工作表現。而且，長時間 OT 就好似讀書時期的長時間通宵溫書之後無精神考試一樣，第二日做o野就會變得無精神，長期這樣對工作效率也會帶來負面效果。
當然啦，呢個世界並唔係所有僱主眼中的「又Hea又懶」都係咁，呢個世界總有一種人叫「蝗蟲」(就好似o的大陸人例如肖咩咩定咩友懷咁) 係食o野唔做o野o既。例如就好似呢篇《輔仁網》貼文咁自己 productivity 0% 仲好似好威咁，呢種員工真係人人得而誅之。唔係話你返工咩都唔可以做好似無晒人權咁 (個 project build 緊上o下其他網好正常吧)，但係人權唔係用o黎俾你咁濫用囉。(呢個世界係有好多人濫權，好似「言論自由」都係咁成日俾人濫用)
本港年輕人的忠誠度及穩定性低，輕易「跳槽」
「跳槽」的年輕人「較多」是沒錯，但這不是代表年輕人「輕易」「跳槽」，兩者根本是完全沒有邏輯關係。「跳槽」是不論是不是年輕人也會做的一件事，這種對「年輕人」的標簽化實際上的十分不公平的一件事。如果僱主不會檢討為何自己的公司每年會有這麼多人「跳槽」，只把責任推卸到「年輕人」身上，這對一間公司是一件得可悲的事情。
而且，實際上有多少僱主會看僱員的「忠誠度」？我敢說在 IT 這行是極少。有些僱主通常見到o岩用就要，唔o岩用就換第二個人上場；如果僱員係有價值，僱主通常會對個員工好好，咁自然他/她就會有歸屬感唔會輕易「跳槽」。所以話僱員「忠誠度低」其實係代表僱主唔重視員工的一種表現。
而「穩定性低」其實唔係出現在僱員方面，而係工作性質方面。工作性質「穩定性」可以有好多方面，例如工時、採用的科技、晉升等等 (工時不穩定相信不用我解釋了)。而一間 IT 公司採用的科技太舊，對自己增進知識或者未來的發展 (如找工) 都有負面影響：舉例來說，如果今時今日有人做 IT o既 web solution 係用 Common Gateway Interface (CGI) 來寫而唔係用 J2EE 或者 .NET，sorry 呢間用 outdated technology 的公司的「穩定性」十分低。
晉升方面，在私人公司就算升職，薪金也未必能追上溢價。很多時人們會發現公司o係外面請個同樣經驗的人，人工通常都會比自己升職而得的薪金高。這並非代表外面的經驗比你在公司的經驗值錢得多，而係市場價值係咁。文中的也短片提到年輕人加一兩千或者兩三千便「跳槽」，不過有些每年都加低於通賬的公司，每年都只係加幾百千幾 (近幾年通賬大概 3~5% 左右，HK$20,000 * 5% 才只是 HK$1,000) 轉一次工就已經加o左，如果沒咩其他留低的理由 (如穩定性、工作環境等) 的話真係計完都知唔洗諗等你下一年。所以如果有另一間公司用一兩三千就撬得你個員工走的話，僱主真是要認真檢討自己的公司有甚麼問題才是。
港人過分着重經濟周期影響，忽視資訊科技長期的需求及重要性
寫文o既人係真賴得就賴，「港人過分着重經濟周期影響」(當然呢樣o野應該係真o既，如果唔係點解有今時今日咁多人走去讀 BBA 阿 GBUS 阿 Risk Management 阿之類) 其實會引致好多o野都忽視，而唔係剩係「忽視資訊科技長期的需求及重要性」，例如哲學科目呢o的就應該比資料科技更會被忽視。再者，好多投資銀行 (ibank) 都請好多 IT 人，我唔見得經濟體系對 IT 有無被忽略有咩重大的關係。
反之，「忽視資訊科技長期的需求及重要性」(呢樣都係真，因為 IT 在旁人眼中就好像是按兩個按鈕就能完成的東西) 亦唔係剩係因為「港人過分着重經濟周期影響」。實際原因有好多，例如人們把 IT 看得過份簡單 (我相信有好多讀 IT o既人都試過有親戚朋友問你整電腦o既o野)、人們缺乏相關基本知識 (在日新月異的科技發展下，就算行內都有不少是缺乏相今科技的相關知識，大家應該會遇到一些 Project Manager 就是這樣的情況) 等等。
上面兩句句子如果各自分開睇o既話其實兩句都講得o岩。不過而家唔係連接句子，唔係將兩個 TRUE 拼埋一齊個因果關係就係 TRUE。如果咁樣都有邏輯上的因果關係，咁我已經可以話「因為香港科技大學在西貢，所以香港中文大學在沙田」，成件事錯晒囉！
==========================================================
其實就咁o既：而家係五月，有些畢業生可能找緊工；有些o岩o岩加完人工唔滿意o既又可能找緊工。其實呢類文章就類似一o的寫「大學畢業生有xxxxx人工」的報道差唔多，目的就係將一o的其實係公司或者社會現象的責任全部都推到其他東西身上，咁樣做係其實一o的都唔公平。
(20150531: 最後一段寫「而家係五月」，還好我真係五月的最後幾小時完成了，不用改成六月了～)
