Your fault your fate, not my fate

今早等 shuttle bus 的時段，發生了一段小插曲。

我按往常一般等待前往數碼港的最後一班 shuttle bus。不知是塞車還是怎的，今天的 shuttle bus 差不多遲了十多分鐘才到站 (雖然平常都是比原定時間遲，但未試過遲了這麼久的，也許是哪裡交通擠塞了吧)。不過遲了來其實變相是使更多人上到車，如是者今天等 shuttle bus 的人也看起來特別多。

因為 shuttle bus 的營運性質與只在繁忙時間的開出的專營巴士差不多 - 要是尾班車走了就要找其他乘車方法；如果目的地是灣仔、銅鑼灣之流還可以搭港鐵解決，像數碼港這些基本上就是只能選擇搭的士了。Shuttle bus 跟專營巴士卻有另一項特性上的差異 - Shuttle bus 只有坐位沒有企位；全車坐滿上不了尾班車，基本上就等於被宣告今天要搭的士返工。今天很巧合的只有最後一人無法上車。嘛你早點來到等候的話，要搭的士的主人翁便不是你吧。

怎料這位「受害者」卻厚顏地開口：「不好意思，我今天遲了少許，你讓我上車吧！」
司機沒好氣地回應他說「不好意思已沒有位了，請你下車吧」
「你架車遲到，你信不信我投訴你？快讓我上車！」
「那你投訴你自己遲到吧，請你下車」

那人便開始破口大罵、粗口橫飛，內容大致如下：
「你架車平時已經遲大到架啦我遲少少有咩錯呀，點知今日仲遲呀X；都唔o岩 schedule o既，你 schedule 上面寫o既時間都廢o既X街！」「你比原定時間遲o左成十幾分鐘，你叫人點X上車呀X！」「我遲o左對你又無影響，但你遲o左對大家都有影響，你有無搞X錯呀！」

每個人選擇做與不做一件事都會有相應的結果 - 無論你選擇做還是不做都會有一定的失誤點 fault，而它會帶來相應的命運 fate。就好似「轉工與否」咁：你選擇唔轉工係可以不用轉換環境，不過就可能會承受薪金比市場價格低的命運；而選擇轉工者薪金係可以比較高，不過就可能承受轉變而不適應的命運。

總而言之，因為自己的選擇帶來的命運就自己承受；承受不了就再作出新的選擇，而帶來新的命運。自己所作出的選擇所帶來的命運係應該自己接受，而不是不負責任地要別人跟你一起承受。自己做錯還要推卸責任在其他人身上，又或是要其他人跟你一起承擔後果，那這些人不如一開始便不要作出錯誤的選擇吧。

好像上述的例子，有 common sense 的人都知應該要預早少少等車；但他就以「shuttle bus 平時都遲到」為由推卸自己遲到的責任 (fault)。他上不到車的結果 (fault) 係他自己遲到咎由自取，關架車遲到咩事呢？要是 shuttle bus 準時到站準時離開，那他遲到也一樣會得到「上不到車要搭的士」的結果；只不過可能上不到車的人會更多，夾錢搭的士可能平o左。就因為這樣的理由讓全車人被你擾攘數分鐘，如果有人因為咁遲到俾人扣人工係咪你負責？簡直是自私！

最後那人還是沒有上車，他還大吵大鬧「你架車成日都遲到又上唔到車，我以後罷搭你呀X街！」我心諗：好呀你以後罷搭啦！唔好再因為你自己遲到，嘈住我o係車上面訓覺、又阻住其他搭 shuttle bus o既人返工。你縰你自己時間好啦，唔好縰晒大家o既時間唔該晒～

數碼港

我份新工返數碼港 (Cyberport)。

(圖轉載自維基百科《數碼港道》條目)

數碼港位於摩星嶺以南、華富邨以北的香港島西方海岸，因為其英文讀音 Cyberport 而常被戲稱為「沙頭角」。在 IT 行業混了這麼久，科學園我去過幾次，倒是一直都沒有來過數碼港。科學園跟數碼港兩者均是 ICT (Information and Communication Technology 資訊與通訊科技) 的集中地；不過數碼港已經再沒發展下去，而科學園則還正在興建第三期。數碼港也有不少知名的企業或部門進駐，例如 CSL、IBM、Microsoft、OGCIO、PCCW Solution 等等。

以交通來說，數碼港的交通比科學園好得多。數碼港有一條全日經旺角來往深水埗的巴士 970 及其他往中環或赤柱的巴士線，還有全日往香港仔、堅尼地城、銅鑼灣及太古的小巴 (就我的經驗來說，小巴比較不穩定)，基本上要到各旺區的公共交通服務均一應俱全。

要看科學園的話，除了繁忙時間的 43P、82C、274P、272S 等等外，其他時間只有到大學站的巴士跟到沙田站的小巴，即是除了你住沙田否則你要 OT 就恭喜你轉車啦。(shuttle bus 沒有甚麼意思就不比較了) 要說數碼港是「沙頭角」的話，跟科學園比較只不過是「小巫見大巫」吧。

平時返工一般我都是搭港鐵轉 shuttle bus 的，不過今早颱風「海鷗」襲港 - 老實說這些偏遠的地方也挺麻煩的：早上掛了八號波就沒了 shuttle bus，之後落波基本上就要立即出門，今天就搭港鐵去太子轉 970 還挺麻煩的。在這些地方上班，與其放半日倒不如別放假或是全日都放假，昨天便有同事說「如果聽朝打八號，我會下午放假不回來了」。

食野方面：科學園我就不清楚有甚麼東西吃，不過應該跟數碼港差不多 - 就是好不了哪裡的樣子。我的同事們都說數碼港沒有甚麼好東西吃，吃飯時間一般都一群人搭的士落西環或華富食 lunch (搭的士其實都唔算太貴，基本上都係每人十蚊以內而已)。

今天落波返黎正好是 lunchtime，其他同事似乎都是食完 lunch 才回來，如是者我就自己去數碼港商場試吃開業了才半個月左右的 Pepper Lunch。價錢不算太貴，不過所謂的 set 只是 HK$7 加一杯汽水好像有點不值就是了。

總括而言，不知是不是因為數碼港已經發展成熟，好像各樣因素都比科學園好得多 (在科學園，我聽過又比較知名的就好像只有 ASTRI 跟 OOCL 而已)。除了比較遠以外，其實還是一個不錯的地方呢。

《劇場版 K MISSING KINGS》將於 2014 年 9 月 11 日在香港上映

2012 年秋季新番《K》是由七位作家所組成的集團「GoRA Project」跟動畫公司「GoHands」共同制作的原創電視動畫。動畫雖然只有一季 13 話，但動畫以人設、聲優、劇情及作畫吸引了不少觀眾，受到廣泛注目。今年夏天的 2014 年 7 月，日本也承接動畫第一季的劇情，推出劇埸版《K MISSING KINGS》。

近年香港也有些外購動畫會緊貼日本的播放進度，例如《K》第一季動畫 Animax 香港便是與日本同步播放；而劇場版也終於在 9 月登錄香港了。

故事簡介
發生四位「王」決戰的學園島事件後不久，身為白銀之王的伊佐那社(小白)失蹤了，而他的同伴夜刀神狗朗及貓一直追查他的消息，可惜兩人一直找不到任何消息的，某天意志消沈的兩人在街上巧遇「吠舞羅」的成員鐮本力夫及櫛名安娜，而他們被某個人追著，到底是什麼一回事？

上映資料
原作者            GoRA Project   GoHands
監督                鈴木信吾
片長                103 分鐘
語言                日語 (中英文字幕)
級別                IIA

電影將於 2014 年 9 月 11 日於 MCL 德福上映，9 月 6 日起優先場。

(C) GoRA‧GoHands／k-project (C) Copyright King Record co. Ltd.

(13 Sep 2014 追加觀後感)
注：下面的觀後感涉及劇透，可能會減低觀看時的興致

創業還是滄業？

話說我在現職的公司明日便是最後一天了，今次正盡最後努力悠閒地寫 handover document；據聞接替我的新同事將於中秋節之後返工，而我應該就沒有甚麼其他東西要跟進了。今日跟同事食飯，講起公司有咖啡機無汽水機。。。

「不如我 exit interview o個陣建議 HR 添置汽水機啦」
「不過汽水機o的汽水可能都係收返市價喎」
「咁去惠康入貨黎賣囉：一 pack 既汽水圍埋先大約三蚊罐，一罐賣四蚊都有賺阿」
「你真係好有生意頭腦，點解你唔去做生意？」

即係咁，有生意頭腦唔代表適合做生意。而家中學又要讀咩通識教育 (好彩我讀中學o個陣無o的咁o既o野)，大學除o左major之外人仲要讀一大堆咩 general education courses，例如我讀過o既就有 Operations Management, Logic, Psychology, Hong Kong Society, Japanese Culture, Stock Market 等等 (仲差o的搞到我 second low)；基本上大部分的大學畢業生都總會有各種非主修的知識，所謂的「生意頭腦」就是這些拼湊出黎，流於「眾大學生皆知」的知識而已。

要做生意，第一個問題就來了：錢從何來？借錢？合夥？錢就係第一個要解決的問題，你抽 iBond 至少都要有一萬蚊，做打本做生意就要有十幾至幾十個一萬蚊，俾你揾三萬蚊一個月都三三歸九唔食o野都要過o左三個月試用期先有得叫做做o下生意仔，談何容易？其次就係人脈，做生意又要處理 account、又要 quality control (望下麥樂雞？過期喎！)、又要 human resources management 等等，咁多樣o野除非超人，否則我諗唔到有咩人可以一個人做晒咁多範。

「創業難，守業更難」好簡單一個例子，有一陣子好興一樣o野：whatsapp 話要收錢。人們就立即醜態百出 - 點解收錢會有問題要俾人鬧呢？唔通 software developer 係義工、maintain messaging server 唔駛用電？Publish 個 app 上 iOS Apps Store 或者 Google Pay 亦都有 developer membership fee (iOS 仲要係講緊 $99 美金一年)，唔通又係唔駛俾？如果唔係俾 facebook 收購o左，我真係諗唔到對住而家人人守財的心態 whatsapp 係點樣生存到。(可能真係有咩方法o既，不過我諗唔到，證明我唔適合做生意)

另外一個例子，就可以望下我現職處於鰂魚涌公司樓下的食肆 - 一般街邊的茶餐廳一年多便會換鋪，而每次換鋪食飯只會越來越貴。歸究原因就是成本增加 - 例如加租、加人工。好似我咁，你加人工低過通賬？Sorry 除非你工作穩定到好似公務員咁，如果唔係就真係 Game Over 乜都唔駛諗。(好像我現職的公司忽然宣佈唔加人工，對士氣唔多唔少都有影響；不過o個陣我係轉工入去加o左人工，所以就無乜所謂) 唔係話你有錢就做到生意，你之後仲要繼續放錢落去 - 成個模式就好似 Accumulator 同舊制公務員食長俸咁，咪就係你同個世界鬥長命囉。

所以做生意還真是要很多東西要處理，唔係話做就做咁容易。我還三十歲都沒到，我仲想有其他o野 (例如份糧同 iBond) 養o下我，暫時無乜興趣要養其他o野幾十年呢。